شنو رايكم بلعبة سودوكو.. بيني وبينكم تراها لعبة أذكياء.. وارجو ان يقبل اعتذارنا الطلي (عفوا أقصد الطالباني) من ذلك .. لأن مو كل الوقت ننقل أخبارهنا!

 

شـــر البلـيــة مـا يُضـحـــك

كتابات أبو الحق
الخامس عشر من تموز
2007

أخبار اليوم هي الأخرى دسمه ,

بس هالمره تخرب من الضحك

أولا : تأهيل 250 بئرا نفطيا و حفر 30 بئرا آخر في أنحاء البلاد.
الأجيال المقبله من أحفاد العراقيين تصرخ و تستصرخ الضمائر في كافة أنحاء العالم , وصولا إلى الكواكب القابعة وراء مجرة درب اللبانه :
" فكوا ياخه من النفط !! هذا حقنا وحق اللي بعدنا إلى يوم الدين , كل واحد منكم يا ساسة العراق الجديد صار ملتي ملياردير , شتريدون تصيرون أكثر بعد؟؟؟"
لا و حنا أهل البلد الحاليين , شقابضين من أي بير نفط عتيك لو جديد ؟ أشو نفط اللي نحتاجه بعد ست أشهر, من هسه بتموز دا ندورعليه دواره , والبرميل اليوم أب
( 155000) دينار بألف يا الله!! وقنينة الغاز بخمسه وعشرين ألف دينار, والبانزين والديزل قصه حزينه !!

ثانيا :أحد شروط قبول المذيعين مما تعارف البشر عليه , أن يكون سريع البديهيه , حاضر الذهن , متوقد الفكر , يعني مثل موفق الربيعي بلا تشابيه !!! تصور أن أحد الأسئلة التي تجابه المتقدمين لأشغال وظيفة مذيع هو :
افترض أنك كنت تتلو نشرة الأخبار , على الهواء مباشرة , وأثناء تقليبك لأحدى الصفحات , اكتشفت أن الأوراق التي تحتها لا تمت بصلة لنشرة الأخبار, فما الذي تفعله لتنقذ الموقف؟؟؟؟ ( طبعا التصرف الأفضل هو تحريك الشفاه دون كلام , بما يشبه حدوث عطل فني في دائرة المايكروفون , ريثما يتدارك المخرج الأمر و يقطع البث )....
الربيعي ومن لف لفه , كان ليجيب :
بسيطه جدا , أكول للمخرج :" يمعود يبو الغيره , هاي شسويتو بيه ؟ يعني هاي سوايه منكم ؟؟ كلها لأنه آني مو سني مثل ربعكم؟ هاي لو رشدي عبد الصاحب , جان شك حلوككم" !!!!
ولكن هل تلزم مذيعينا الحاليين مثل هذه الميزه ؟
مذيع الديار الذي يشبه الروبيان , أطل علينا اليوم من قناة الديار الرصينه وهو يقابل معوقي حرب من مبتوري الأطراف , ولحد هنا لا غريب في الأمر, ولكنه فاجأني وهو يرفع دعوة بشمول هؤلاء المساكين برعاية دستوريه , ولكن الى من رفع الدعوه ؟؟؟؟ لن تصدقوا التركيبه التي تفتق عنها ذهن المذيع الداهيه , فقد رفع هذا الطلب الى " أي مسئول حكومي شريف عراقي " ,..
..... تصور أن يسألك طفل صغير أن تجلب له " شطيرة لحم خنزير حلال من فخذ طلي لا يتجاوز وزنه التسعين غراما "!!!!!!
.....تصور أن يعمدك رجل دين سني اسمه "آية الله السندوحي " في معبد اللوتس البهائي بالهند !!!!!!!!
.....تصور أن يطلب مقتدى إيجاد خطيبة له , شريفه ورافضيه من سكنة مدينة الثوره و من التوابات !!!
وكما كان يقول راسم ألجميلي على شاشة التلفزيون : عيش و.... شوف !!!!!

ثالثا .......ضبط صهاريج معده للتهريب و اكتشاف مخبأ للوقود في واسط.
والله خطيه هذوله المهربين الزغار, آني, اذا تسمحولي , أطالب باسمكم يا شرفاء العراق المغربين فوق خارطة العالم الواسع , ومثلكم أولئك الذين لم يستطيعوا أن يغادروا أماكنهم , أطالب كل مسئول حكومي عراقي شريف (!!!!) أن يرفع يده عن هؤلاء اللصوص الصغار , من حقهم أن يكونوا أنفسهم" بتشديد الواو الأولى" , هم وراهم زواج و مسئوليات تستلزم منهم أن ينتهزوا الفرص السانحه قبلما تعاجلهم الهاونات والمفخخات والمليشيات والأمريكان وغيرهم , ... هذوله هم يفيدونا لمن يبيعون بالسوق السوده أيام البرد والحاجه الملحه , بس ويلي عاللي يبوك بالمليارات وينطي لإيران!!!......
...إذا بيكم فضلة خير , بطلوا بوك انتو , أو, إذا جنتو مو حراميه ( لانشغالكم بتصفية الضباط و الطيارين والمتدينين والأكاديميين , ووووو),فطلعوا قوتكم براس الحراميه الكبار , عمار الحكيم ومن هو في مرتبته , سبقكم الحديث الشريف عندما قال :
إنما أهلك الذين كانوا قبلكم أنهم كانوا إذا سرق فيهم القوي تركوه , وإذا سرق فيهم الضعيف أقاموا فيه الحد .

رابعا .....انجاز البوابة الحصينة للمتحف الوطني , .....
بوابة حصينه , لمتحف يخص وطنا اسمه العراق صانع حضارات أزلية القدم , منذ تاريخ ما بين النهرين , تم نهبه و تدمير ما تبقى من مقتنياته بالكامل, أسوة بما حدث لصاحبه , الوطن الكبير نفسه ,.... وحتى ما تم استرداده , لا يصلح للعرض بعد الآن ,( لا و جماله جانوا يقشمرون علينه بالكتب مال الدراسه , ويكولون " المغول حركوا بغداد , ودمروا كل شي بيهه, بحيث نهر دجله صار أحمر من الدم اللي سال بيه , لا و مرتللخ يغيرون السالفه ويكولون النهر صار أزرك من الكتب اللي انذبت بيه !!!! شوفوا الجذب والمبالغه اللي ما إلها حدود !!! عبالك اللي يقتل يشمر الجثث بنص النهر , لو عبالك الكتب جانت مكتوبه بحبر باركر أزرك نوع (Q-ink -- Quink), ومو حبر الجيني السود اللي كلنا نعرف أنه كان الحبر الرسمي أيام زمان !!! رجاءا صححوا التاريخ , تره الجذب وصل للهامه!!!!! محد حرك بغداد والعراق كله إلا الشروكيه والقرج وسكان القرى والأحياء الهلكانه, من كافة الطوائف والمذاهب والعشائر, لا أستثني أحدا حتى لا أجافي الحق والعدل , فقد شهدت بأم عيني كيف نهب السفلة والغوغاء من أراذل القوم , دوائر الدولة والمعسكرات والقصور ومخازن الحنطة والشعير وأعمدة الكهرباء و قابلوات الضغط الواطئ والعالي والمتوسط , لا يفرقون بين أحد منهم , وهذا كله في بغداد والموصل والأنبار و صلاح الدين , ...زوجة صديقي الكردي استنكرت أن يكون الأكراد قد نهبوا الموصل كما يشاع , لكنني كنت حاضرا أول يوم عندما هجمت القطعان الحاملة للعلم الأصفر, على شوارع الموصل وبدأت تخطف كل ما وقعت عليه الأعين و طالته الأيدي , تصور أن الزمرة منهم كانت " تثب " أمام الأسيجة وتنط على الأسوار لتسترق النظر إلى كراجات البيوت , مقتنصة سيارات الدولة التي قد تقع عليها عيونهم , وتحت تهديد السلاح كانوا يصادرون تلك السيارات , لو كانوا من ضمن السلطة الجديدة لما كان لنا أن نناقش مصير آليات و معدات دولة زائلة كما أرادوها , لكنني أتحدث عن " زعاطيط " و " نساء لابسات العبي " , من الوجوه الكحيانه التي أدمنا رؤيتها في أحياء من فصيلة أل ( غيتو ) كالكرامة و عدن في الموصل , والثورة والشعلة والعبيدي و كسره و عطش في بغداد , وما أوصيكم خوتي الأكراد ممن يقرأون هذه المقاله , حالكم حال المتمسكين بعقيدة الآباء و الأجداد , ذاك الصنف من الشيعه , ممن راسلوني على مدى أسابيع خلت , طالبين رفع عناوينهم من قائمة الإرسال , بدعوى عدم رغبتهم بسماع ألفاظ نابيه , أو بدعوى عدم معرفتهم بمن يكتب هذه المقالات , وكأنما هم يعرفون حاتم العراقي عندما يستمعون اليه؟ فقد لبثت فيهم أشهرا طويلة أكتب مثل هذا الكلام دونما اعتراض من أحد منهم , لكن ما دامت الكتابات قد مست معتقداتهم غير السليمة مؤخرا ؟؟؟....فأعذرنا رجاءا!!!!
أنا لست مع استخدام الألفاظ النابيه كما هم , خصوصا وأن هذه الأرسالات مقدر لها أن تصل إلى أبعد وأخص مكان , إلى رجال و نساء لا يجمعهم معي بالضرورة طبع أو خلق , لكن المحتل و أذنابه لم يتركوا مجالا للخلق الحميد , كل ما يعرض على وسائل الأعلام يستفزنا للعظم , أخبار الأعتداءات و الانتهاكات تغزو أسماعنا دونما استئذان , في وقائع لا يتحملها العقل ولا المنطق السليم , تحضر نساء طاعنات بالسن مجلس عزاء عابر , ويدور الحديث عن والد المتوفيه, العجوز الذي هو في السبعين من عمره والذي ( كرفته ) قوات الاحتلال عشوائيا كغيره ومن ثم أطلقت سراحه بعد أشهر لعدم ثبوت أية تهمة عليه , فالميتابوليزم الذي يتمتع به جسده الهرم يتناسب عكسيا مع متطلبات الإرهاب أو المقاومه !!! ستقول لي : وما الضرر في اعتقال رجل مثله طالما أننا بصدد بناء عراق ديمقراطي جديد ؟؟
وسأجيبك , كفاك الله شر الأمريكان والبارتيه والرافضيه و الانتهازيين من عرب السنه , ... أن حديث العجائز الخافت في مجلس العزاء إنما كان يدور حول ما نما لعلم العائلة تلك , من أن محققي الأمريكان المستهترين بكل القيم , ومنها قيم المسيح العظيمه , جعلوا أحد كلابهم المدربه يجامع الرجل المسكين , وبعد؟؟ هم كولولي "مو مشكله!!" مثل ما يسوي محمد الخضري أو أمير جابر , أو غيرهم من أشراف أذناب المحتل!!!
...ثم تعالوا دا أكلكم , هو المثل شيكول؟ عكب ما ضرطت لمت رجليهه , ما أدري اتربعت !!! بوابه حصينه لمين يا عم ؟ يا عم روح كده والتم !!!

إشجاب هاي على ذيـج؟

نكتة ولكن!
إشجاب هاي على ذيـج!؟

السيد وزير السياحة في حكومة المالكي الجديدة الدكتور لواء سميسم ( طبيب اسنان ) في مدينة النجف.المعروف عن السيد لواء انه انسان بسيط ومؤدب لا يجيد غير مهنته وهي طب الاسنان من قلعٍ الى حشوٍ وما الى ذلك من شؤون المهنة , ساقه الحظ الى ان يكون زوجا لبنت خالة السيد مقتدى الصدر,

في ذلك المساء من ايام النجف الحارة و قبل اعلان تشكيل الحكومة العراقية الجديدة بساعات اتصل به السيد مقتدى الصدر ودار بينهم الحوار التالي:

ـ مقتدى مخاطبا لواء : حبيبي نريدك اتصير وزير السياحة, وباجر يعلنونها, وما عدنه غيرك.

ـ لواء: شنوووو؟ تحجي صدك؟

ـ مقتدى: قابل انا اتشاقا وياك حبيبي

ـ لواء: سيدنا اني طبيب اسنان, كجً مرحبه ويا السياحه ؟

ـ مقتدى: حبيبي كتلك ماعدنه غيرك

ـ لواء: عمري ما اهتميت بالسياحه , المرة الوحيدة بحياتي الي سافرت بيها هي للاردن انا وعائلتي, من ردنه ننهزم من صدام وبعدين قشمرونه ونصبوا علينا المهربين واخذوا من عدنه 12 الف دولار وبعدين رجعنا للنجف , تتذكرها سيدنا, اني وين والسياحه وين؟

ـ مقتدى: كتلك ما عدنه غيرك نثق بيه, وبعدين حبيبي وين اكو سياحه حتى انت خايف , همه بس الايرانيين وذوله شغلتهم بسيطة حبيبي جثرلهم من الهريسة واللطم وابوك الله يرحمَ.

ـ لواء: سيدنا اني ما اموقع امر اداري بحياتي متكلي شلون راح ادبرها

ـ مقتدى : حبيبي جا احنه من خلينا سلام المالكي وزير نقل جان يفتهم شي , تعرف حبيبي سلام صار وزير نقل وهو ما يعرف الطياره من الغراب الاسود, وبعدين صارت شركاته ماليه العراق وابو ظبي والاردن وما تكدر تشتري مولدة كهرباء الا من شركات سلام , حبيبي, يعني صار مليونير ان صح التعبير , وكله بسنه وحده حبيبي.

ـ لواء : سيدنا اني شغلتي راح تصير قلع اسنان السواح بلاش.

ـ مقتدى : موفق حبيبي وحنه وجيش المهدي وراك

ـ السيد الوزير لواء سميسم: هو اكو واحد بجيش المهدي يقرا ويكتب سيدنا , لا هواية راح تطور السياحة.

أنتهى الحوار بين حجة الاسلام والمسلمين مقتدى (حفظه الله ورعاه) وبين المسكين الدكتور لواء سميسم واصبح السيد الوزير.

وسيعود من تسولُ له نفسه بالسياحة الى العراق( أثرماً ) بعد قلع اسنانه من قبل السيد الوزير.

للعودة الى الصفحة السابقة

بشرى سارة الى الجمهور العراقي الكريم

ألإنتاج الجديد

تعلن "شركه التبريد العراقيه" وبمناسبه قدوم فصل الصيف عن طرح انتاجها من مهافيف "حياتي عذاب" اوتوماتيكيه العمل وتحت شعار توكل على الله وهفي لنفسك تره محد يفيدك

آخــر 17 نُــكـتـــــــــة .. عُــراقيـــــــة.. للـكـشــــــــر!!

آخــر 17 نُــكـتـــــــــة .. عُــراقيـــــــة.. للـكـشــــــــر!!

1. مصلاوي ديحجي وية خطيبته، كالتله :خلص رصيدي دك عليه! كاللهاا:إحنا وصلنا طريق مسدود ولازم نفترق
2. كردى ضيع سويج سيارته جماعته فتحوا السيارة بشيش مال تكه اخذ الشيش وسوه عليه نسخة
3. سألوا واحد: شلونك ويه رمضان هالسنه؟ گال: والله لوما الوضوء چان متنه من العطش
4. سالوا مام جلال كلولة اخر مكرمة للطلاب العراقيين ؟؟؟ كللهم راح اوزع النتائج قبل الامتحانات
5. كردي كالوله الحك مرتك دا تخونك ويه صديقك بالبستان راح ركض ورجع وره شويه كال ملاعين الوالدين هي شجرتين سووها بستان والولد لا صديقي ولا اعرفه
6. اثنين يچذبون واحد عاللاخ, الاول گال:دتشوف ذيچ النملة اللي فوك الجبل ؟ الثاني گلله: ياهيّه منهن؟ المغمضة لو المفتحة؟
7. مرة خطيب شرب شريط كبسول وراح للخطبة ورة الخطبة راحو جماعته اللطامة للبيت كالولة انت اليوم شكد كذبت كالهم ليش كالو كلت معركة بدر صارت قصف طيارات ..مشيناها! كلت صلاح الدين الايوبي ضرب القدس كيمياوي.. مشيناها! بس مال ابو جهل باع بلال الحبشي بخمس ملايين لبرشلونة هاي وين لكيتها؟؟!!
8. فيترچي كاتب قطعه (تفصيخ سيارات)، بالليل إجه واحد ناصريه بدل الصاد خاء وانهزم
9. واحد راح يحج شاف الناس تشمر حجار گال: أيّباااااااه.......لهنا وصلت إسرائيل؟
10. محشش يصبغ السقف بالبويه گالت له أمه:يمه خلي جريده جوه رجليك.. گال لا ماما ميحتاج... أنوش .
11. محشش طلّع الصوبه ليبرّه البيت.. گالوله ليش؟؟ قال :مو برّه أبرد
12. طرق النساء في تنويم اطفالهن.. المصريه : نام يا حبيبي نام . السوريه : نام يبعتلك حمى . اللبنانيه : نام تقبرني . الاوربيه : سويت دريمز بيبي. العراقيه : عووووو اجا حرامي ياخذك انطمر.. الله يشيلك انت وابوك
13. كردي اكل قطعة ماجي .. اتخربط راح للطبيب كله :شماكل ؟كله جكليته ام الديج
14. مصلاوي عزم صديقه على تشريب لحم...باوع صديقه عالاكل وسأل قال: أغشع تشريب اللحم بلا لحم؟ رد المصلاوي: لَكَن غشعت وزي بشاي الزي؟
15. مرة واحد كل ما ينام يحلم كتاكيت تلعب طوبة بكل مرة يحلم نفس الحلم راح للدكتور كالة الدكتور لا تنام يوم او يومين رد عليه كلة : ما انام اشلون باجر النهائي؟
16. اكو واحد محشش لازم ثلجاية ..ويكول: اموت واعرف هاي من يا زرف دتنـكط
17. كردي مات أبوه گال للدفان: بيش أرخص گبر؟؟ گلله: بالميت تسعين ألف.. گلله : زين وإذا الميت من عدنه؟

للعودة الى الصفحـــة الســابقــة

آخــر عشرة نكــات عُـــراقيــة.. للكشــر!!

آخــر عشرة نكــات عُـــراقيــة.. للكشــر!!

1. كردي مات أبوه گال للدفان: بيش أرخص گبر؟؟ گلله: بالميت تسعين ألف.. گلله : زين وإذا الميت من عدنه؟
2. واحد ديتعرف على بنيه.. گلهه تشربين؟ گالت: لا.. زين تدخنين؟.. هم لا ، عندچ علاقات؟ لا.. گال : معقوله ؟؟ گالت: ملليت من هالشغلات
3. صرصر سأل صاحبه: شلونك هالأيام خو ماكو نعل؟.. گله: لا الحمد لله أبو البيت أحول
4. حشاش عطس ... صاحبه گح.. گلله ليش تغير الموضوع
5. مصلاوي مات... لگوا بوصيته مكتوب ( آني غيسل.. أغشع لا تغسّلوني)
6. دليمي قرة بالجريده إنه بالصين كل دقيقه ينولد طفل.. گال: هذا التطور، خو مو مثلنه كل 9 اشهر
7. كردي سأل صاحبه: هازا مسر (مصر) بئيد (بعيدة)؟؟ گلله: ما أزن، لأن المسري اللي بسف محل مال آني يوميه يجي عالبايسكل
8. واحد يشتغل بالمعارض مال البياع، إجاه مولود گال للممرضه: الله عليچ لاتغسليه، خللي بترابه
9. محشش خابر على وزارة الدفاع شالوا التليفون كالوا: (الدفاع اتفضلوا)، كلهم انطوني الكولجي
10. واحد خبيث خلا اخته تشارك ببرنامج من سيربح المليون... ليش؟؟؟ يريد يعرف الصديق اللي تتصل بيه

أمـنـيـة عرافي

أمـنـيـة عرافي

* تم القبض في المملكة السعودية علي ثلاثة مخمورين الأول ألماني والثاني أمريكي والثالث عراقي، وحكم القاضي الشرعي بجلد كل منهم عشرون جلدة ..

- وأثناء تجهيزهم للجلد أقبل الجلاد عليهم مسرورا وقال لهم: لقد وضعت زوجتي اليوم مولودا جديدا وطلبت منى أن أمنح كل منكم أمنية بهذه المناسبة.

- قال الألماني وكان أول من تقرر البدء بجلده: أرجو أن تربط إلى ظهري وسادة قبل الجلد ..

فقام الجلاد بذلك، فتمزقت الوسادة في الجلدة العاشرة، فلما انتهى الجلاد أخذ الألماني يبكى بشدة وقد تمزق ظهره وسالت دمائه.

- قال الأمريكي وقد حان دوره: أما أنا فأمنيتي أن تربط وسادتين إلى ظهري ..

ففعل الجلاد ذلك، ولكن ما لبثت الوسادتان أن تمزقتا من الجلدة الخامسة عشر، وتلقى الأمريكي باقي الجلدات وهو يصرخ ويبكى من الألم.

- قال الجلاد للعراقي وقد كان آخرهم: أنت أخ عربي وجار شقيق لذا سأمنحك أمنيتين ،،،

قال العراقي: شكرا لك يا سيدي على كرم أخلاقك، وتقديرا لإحسانك فإن أمنيتي الأولى هي أن تجلدني مائة جلدة بدلا من عشرين ..

فقال الجلاد متعجبا: ما أشجعك من رجل، لك ذلك، وما أمنيتك الثانية؟

فتبسم العراقي وقال: أما الثانية فأن تربط الأمريكي إلى ظهري !!!