نـكتـة الـيــــوم..ها..ها..ها

Wednesday, February 28, 2007

أمـنـيـة عرافي

أمـنـيـة عرافي

* تم القبض في المملكة السعودية علي ثلاثة مخمورين الأول ألماني والثاني أمريكي والثالث عراقي، وحكم القاضي الشرعي بجلد كل منهم عشرون جلدة ..

- وأثناء تجهيزهم للجلد أقبل الجلاد عليهم مسرورا وقال لهم: لقد وضعت زوجتي اليوم مولودا جديدا وطلبت منى أن أمنح كل منكم أمنية بهذه المناسبة.

- قال الألماني وكان أول من تقرر البدء بجلده: أرجو أن تربط إلى ظهري وسادة قبل الجلد ..

فقام الجلاد بذلك، فتمزقت الوسادة في الجلدة العاشرة، فلما انتهى الجلاد أخذ الألماني يبكى بشدة وقد تمزق ظهره وسالت دمائه.

- قال الأمريكي وقد حان دوره: أما أنا فأمنيتي أن تربط وسادتين إلى ظهري ..

ففعل الجلاد ذلك، ولكن ما لبثت الوسادتان أن تمزقتا من الجلدة الخامسة عشر، وتلقى الأمريكي باقي الجلدات وهو يصرخ ويبكى من الألم.

- قال الجلاد للعراقي وقد كان آخرهم: أنت أخ عربي وجار شقيق لذا سأمنحك أمنيتين ،،،

قال العراقي: شكرا لك يا سيدي على كرم أخلاقك، وتقديرا لإحسانك فإن أمنيتي الأولى هي أن تجلدني مائة جلدة بدلا من عشرين ..

فقال الجلاد متعجبا: ما أشجعك من رجل، لك ذلك، وما أمنيتك الثانية؟

فتبسم العراقي وقال: أما الثانية فأن تربط الأمريكي إلى ظهري !!!

Labels:

Sunday, February 18, 2007

عجائب العراق السبعة


كانت لدينا عجائب الدنيا في العراق.. وأولها برج بابل وجنات عدن .. أما الآن فعجائب العراق السبعة هي:

عجائب العراق السبعة

1-بنزينخانة بيها بنزين والواحد يفول براحته

2-كهرباء تستمر اكثر من نصف ساعة

3-اربع عراقيين يتفقون على رأي واحد

4-الماء يصعد للتانكي

5-يوم ما بيه انفجار او مفخخة أو طاك طيك أو علس

6-بيت ما بي مولدة بتزين أو خط مولدة شارع

7-شارع ما بي أزدحام أو بلوكات كونكريتة

Labels:

Saturday, February 03, 2007

الاسئله الوزاريه للعام الدراسي الحالي

الاسئله الوزاريه للعام الدراسي الحالي
الفيزياء

الوقت :3 ايام


ملاحظه :الاجابه على ستة اسئله على ان يكون الاول والثاني والثالث والرابع والخامس والسادس من ضمنها
..
السؤال
الاول :رواد فضاء صعدوا الى الفضاء واخذو معم ثلاجه بيهه اكل وعلى مسافة كيلو ونص من القمر خلص الاكل وشمروا الثلاجه مناك ..احسب سرعة سقوط الثلاجه علما ان الماطور دنفص ..
السؤال
الثاني :واحد ديمشي هوه وصديقه ..(يعني هوه ديمشي ووراه صديقه)والمسافه بينه وبين صديقه متران فقط ..التفت الى الوراء بعد مرور 10 ثوان ولم يجد صديقه ..اين ذهب صديقه؟
السؤال الثالث:سياره تمشي عالقناه
نوع اوبل اومكا بسرعة 120 كم / سا صادف مرور كلب سائب امامها على مسافة 20 مترا من السياره ..داس السايق بريك فوقفت السياره على مسافة 2 متر من الكلب (لتخافون ما راح اسألكم شنو نوع الدهن بريك)....اجتي سياره همر مال امريكان ضربت الاوبل من وره ..شكد جان يمشي ابو الهمر؟ علما ان الجندي السايق من ولاية اريزونا الامريكيه..
السؤال الرابع:ولد يمشي
في شارع الربيعي على الجهه اليمنه وبنيه عله الجهه اليسره من الشارع انتبه الولد عالبنيه واندعم بتيل .. البنيه ضحكت ..كم عدد البنات صديقات هاي البنيه اللي راح هاي البنيه اتسولفلهن الصار بالولد من وراهه؟ علما ان الولد مضروب بوري قبل 20 دقيقه في نفس الشارع؟
السؤال الخامس :ارسم مؤشرا على الاجزاء طريقة عمل الدولمه
..
السؤال الاسادس والاخير
:


علل ما ياتي
:
1:
السوني اركسون يخلص شحن بسرعه
..
2:
المولده التايكر تطلع دخان
..
3:
لايوضع الصاص والعمبه معا في لفة الفلافل
..
4:
الفقير ما يعيش بالدنيه
..

************ *******
مع تمنياتنا لكم بالموغفية والرسوب

دعاء الحواسم


دعاء الحواسم

واحد حواسم راح يحج بيت الله

فا هناك ينادي: لبيك الهم لبيك فرهدنا العراق وجئنا اليك

تدللين!


تدللين!

امراة تقول لزوجها : اذا متت اريدك تنور قبري لاني اخاف بالظلمة

رد عليها زوجها انتي بس موتي حتى مكيف احطلج

المرة ضاعت!


المرة ضاعت!

لبناني وعراقي مضيعين نسوانهم

اللبناني گال: مرتي لابسة جينز قصير وضيق وبدي شفاف ومرتك؟

گال العراقي : خلي تولي امشي ندور على مرتك

البقرة!


البقرة!

وحده اشترت تلفون من ورا زوجها و حبت اتسويله مفاجاة

دخلت الحمام واتصلت بيه وقالتله الو حياتي ..

كلها: اتصلي بعدين البقرة بالحمام

Thursday, February 01, 2007

iraq new formula معادلات العراق الجديد


iraq new formula معادلات العراق الجديد

زنكين + شريف + عراقي = مسافر

فقير+ شريف + عراقي = ضحية

زنكين + غير شريف+ عراقي = عميل

فقير + غير شريف + عراقي = ميليشيا

زنكين + غير شريف + غير عراقي = حكومة

فقير + غير شريف + غير عراقي = ارهابي


 
eXTReMe Tracker